Pasali su godišća
ma je evo duošla prilika
da se može reć i ova besida
jerbo ni se duošlo na manje
kad ni Čugo, osto je P AP E
a pape i Čugo jedno je isto
nuono je duošo na svoje misto
– naš pape, zvi znodu
nikako ni bi za Molu Bondu
ma posli svega ča se učinilo
ovuon bi reko
– imojte puomnju od života
nemuojte za svaku bacelat
boje po manje, a s miron lavurat
svakega juski dočekot
nemuojte puno u žep gledot
ne zaboravte store užonce
od svakega imojte krejonce
somo tako hodićete naprid
poštujte druge
neka je Buog s vamin –