Na Račiću
navar mista
stotin godišć
stoji crikva
Guospa od zdrovja
Guospa od zovita
naša Guospa
od Račića
štovoli je naši stori
štujedu je veli,moli
zazivaju u njie milost
i za zdrovje i za kripost
u bolesti i nevoji
i u tuzi i u boli
utiha je bila svima
naša Guospa od Račića
i na muoru i na kraju
u vojništvo
ol na skule
u daleke ziemje tuje
čuvala si svoju dicu
kaj ditića na svon krilu
ča smo daje
sve si bliže
Guospe naša zaštitnice
Guospe od zdrovja
Guospe od zovita naša Guospe od Račića