Ogonj
dim
dim
ogonj
izgori je naš Obćinski dom
usrid mista
kraj žardina
priko stuo godišć
na diku svima
izgorili su libri
sve je izgorilo u čas
ogonj se ni mogo fermat
izgorili su libri
ma i stori foji
sve ča je bi znamen
v e r b a v o l a n t
s c r i p ta m a n e n t
-i ča ćemo sad
kako ćemo naprid
noč ćemo se napožat
vroti čedu se libri
sve će duoč na svoje
ma tuko učinit sve
da se vroti znamen
AMEN