Kašete
sardele
barili
Puntin
sve u motu
sve se blišći
svičarice u puortu
zaslužili son
ribori se umorili
doma vajo puoč
na Puntinu
ribe kaj žola
cakletidu se sardele
koluron od srebra
iz kašetih u barile
solidu hi
ruke vridne
i domoći i furešti
Paričani vični ribi
judi mirni
puno vridni
pustih godišć
u Jiesu dohodili
na ribe hodili
s malo ričih
s puno mota
lavurali kaj jedon
vas Puntin sadrdelima vonjo
-vrime uteklo
sardele nestale
di su se izgubile
ko će znat
barž bi tukalo opet
Paričane zvat
-ma sad čemo na Puntinu
barienko monumient imat