S nonon je uvik
u poje hodi
lozjie,masline i smokve
s puno jubavi ašešti
jedini je u fameji fumo
španjulete son mu kupuvola
dobota svaki don
-i meni je tabak
lipo vonjo-
sestramin u Amerike
kad bi piso
navar nosa bi očole natakni
u crnilo pero moći
na tonkon korti
puno lipih ričih isloži
u konobu i pod taracu
balonce je daržo
sve bi miri i notovo
u jematvu nikad ne bi fermo
sve je na oku daržo
u svemu jušt i prov
a kad bi vino prodovo
bark bi mu se nasmijo
bi je vesel i kuntenat
od vina je živila
cila fameja